O sábado 28 de Marzo Vigo celebra os 200 anos da súa Reconquista. O Día da Reconquista, de longa tradición en Vigo, adquire este ano unha especial importancia ó celebrarse o Bicentenario da azaña dos vigueses contra as tropas francesas. O Concello de Vigo e a Asociación Veciñal Casco Vello teñen preparados varios eventos, como exposicións, representacións... Na páxina web reconquistadevigo.com hai abundante información sobre a historia e as actividades que se desenvolverán nestes días.A Biblioteca Universitaria conta cun pequeno fondo sobre a Guerra da Independencia en Vigo que se pode completar, entre outras, coa abundante documentación depositada na Biblioteca Penzol de Vigo ou no Arquivo Municipal.
Por outra banda, unha ampla información sobre a Guerra da Independencia en Galicia, que inclue tanto monografías como artigos de revistas, atópase no Catálogo Galicia da Biblioteca da Universidade de Santiago de Compostela.
O feito da celebración do Bicentenario animou a moitas institucións a facerse eco deste acontecemento ; a Biblioteca Nacional elaborou unha completa páxina de recursos onde se pode atopar a Guerra da Independencia en diversos ámbitos coma o cine, a literatura, a arte, internet...
A Biblioteca Virtual Miguel de Cervantes, xunto có Ministerio de Defensa, súmanse a esta conmemoración cunha páxina web que recolle numerosas testemuñas escritas sobre o período de 1808 a 1814.
¡Vémonos na rúa!
Entradas
2 comentarios:
Vuestro comentario está muy bien. Hay también una exposición muy interesante en el Museo de Castrelos, que vale la pena visitar.
Ah, y el sábado es día festivo en Vigo.
Grazas Jaime. Ademáis da exposición que mencionas, que está batendo "records de visitas", tamén está prevista outra na Casa das Artes.
Esta fin de semana preséntase animada!.
Publicar un comentario