O espazo da Biblioteca Central da Universidade de Vigo foi elixido polo equipo de página 2 para gravar a presentación de dous dos seus programas. Entre os estantes que vedes na foto movíase o seu presentador Óscar López avanzando o contido do que se emitirá este domingo. As que casualmente asistimos á gravación, coñecedoras deste espazo (o televisivo e o bibliotecario) sentímonos realmente encantadas coa presenza do equipo deste programa na nosa biblioteca, e ao tempo coa presenza da nosa biblioteca neste programa.
página 2 é un programa de libros que emite a 2 os domingos ás 8:30. Orixinal, dinámico, actual... xeralmente realizan as súas presentacións dende algunha biblioteca española. Non é estraño que decidisen pasar por aquí; a Biblioteca Central (dos arquitectos A. Noguerol e P. Díaz) é realmente un espazo singular por dentro e por fóra, de feito, foi seleccionada para varios premios arquitectónicos, é un dos cinco edificios galegos incluídos no "Atlas Phaidon de arquitectura mundial contemporánea" ("The Phaidon Atlas of contemporary world architecture" e é lugar de visita de numerosos arquitectos, estudantes de arquitectura e curiosos.
En realidade, o Campus Lagoas-Marcosende (Vigo) é un catálogo de arquitectura contemporánea. Arquitectos de recoñecido prestixio deixaron e deixarán (xa hai proxectos) mostra da súa capacidade creadora, sempre intentando integrar a súa obra no espazo natural no que se sitúa. As opinións sobre o resultado son de todo tipo; como din que dicimos os galegos: "depende".
Aos que non coñezades isto invitámosvos a vir, a ser posible nun día luminoso (as vistas dende a azotea da Biblioteca son espectaculares). E se non podedes vir, pero vos interesa coñecer algo sobre o noso Centro e sobre o noso Campus aquí tedes unha mostra do que se ten publicado e que podedes atopar nas nosas bibliotecas (contamos para isto coa colaboración da Sección de Acceso ó Documento desta Biblioteca).
Por certo, no programa falarán co escritor Domingo Villar, do que tamén tedes algunha obra nesta Universidade.
Que o disfrutedes!
En realidade, o Campus Lagoas-Marcosende (Vigo) é un catálogo de arquitectura contemporánea. Arquitectos de recoñecido prestixio deixaron e deixarán (xa hai proxectos) mostra da súa capacidade creadora, sempre intentando integrar a súa obra no espazo natural no que se sitúa. As opinións sobre o resultado son de todo tipo; como din que dicimos os galegos: "depende".
Aos que non coñezades isto invitámosvos a vir, a ser posible nun día luminoso (as vistas dende a azotea da Biblioteca son espectaculares). E se non podedes vir, pero vos interesa coñecer algo sobre o noso Centro e sobre o noso Campus aquí tedes unha mostra do que se ten publicado e que podedes atopar nas nosas bibliotecas (contamos para isto coa colaboración da Sección de Acceso ó Documento desta Biblioteca).
Por certo, no programa falarán co escritor Domingo Villar, do que tamén tedes algunha obra nesta Universidade.
Que o disfrutedes!
Entradas
2 comentarios:
Qué buen post. Qué manera más buena de dar a conocer esa biblioteca. Eso sí que es difusión, divulgación, y porque no: imagen. Y gracias a página2 por pensar en la biblioteca de la Universidad de Vigo. Y gracias a vosotras por vuestro ingenio.
Os tiduos desta mostra préstanse a facer os esperados xogueciños de palabras! Dichedevos conta, non si?
Publicar un comentario